ថ្នាក់ពាក្យ

ពាក្យដែលយើងប្រើប្រាស់រាល់ថ្ងៃត្រូវបានបែងចែកជា ៨ ក្រុមគឺ៖

• នាមសព្ទ – ជា​ឈ្មោះសម្គាល់​មនុស្ស​ សត្វ​ ឬ​របស់​អ្វីមួយ។
• សព្ទនាម – ជា​ពាក្យ​ប្រើជំនួស​ ឬប្រើតំណាង​នាម។
• គុណនាម – ជាពាក្យ​ដែល​បង្ហាញ​ឬបញ្ជាក់លក្ខណៈ​របស់​នាម ឬសព្ទនាម។
• កិរិយាសព្ទ – ជា​ពាក្យ​ដែល​សម្តែង​នូវ​អំពើ ឬ​បង្ហាញ​ពីភាពឬសភាព​អ្វីមួយ។
• គុណកិរិយា – ជាពាក្យ​ដែល​បង្ហាញ​ឬបញ្ជាក់​លក្ខណៈ​កិរិយាសព្ទ គុណនាម ឬគុណកិរិយា​ឯទៀត។
• និបាត (ធ្នាក់) – ជាពាក្យ​ដែល​បង្ហាញ​ទំនាក់ទំនង​រវាង​នាម​ពីរ។
• សន្ធាន (ឈ្នាប់) – ជាពាក្យ​ប្រើសម្រាប់​ភ្ជាប់ពី ពាក្យមួយទៅពាក្យមួយ ឃ្លាមួយទៅឃ្លាមួយ ឬល្បះ​មួយទៅល្បះមួយទៀត។
• ឧទានសព្ទ – ជាពាក្យ​ដែល​បង្ហាញ​នូវ​អារម្មណ៍​ភ្ញាក់ផ្អើល រំភើប ភ័យ ខ្លាច ខឹង ។ល។