គ្មានភ្លើងក៏គ្មានផ្សែង ប្រដូចគ្នាដែរបើគ្មានហេតុ យើងក៏មិនហៅដូច្នោះដែរ។ ចាស់ៗជាន់ដើមមួយចំនួន ដែលដឹងរឿងបានតំណាលថា កាលណោះស្រុកខ្មែរត្រូវបានត្រួតត្រាដោយបារាំងសែស បារាំងបានតាំងកន្លែងធ្វើការពីរសំខាន់ មួយនៅក្រុងព្រៃនគរ នៃទឹកដីកូសាំងស៊ីន ឬទឹកដីកម្ពុជាក្រោម និងមួយទៀតនៅក្រុងភ្នំពេញ។ ពួកបារាំងតែងទៅមករវាងក្រុងទាំងពីរនេះ។ បារាំងបានកសាងផ្លូវ ភ្ជាប់ក្រុងទាំងពីរ រួចបានកែនខ្មែរ (តាមមតិមួយចំនួន) ឬប្រើខ្មែរ (ប្រហែលជាអជ្ញាធរភូមិស្រុក) ឲ្យជួយថែរផ្លូវ ហើយថែមទាំងដាំដើមចាន់គិរី សងខាងផ្លូវផង ប្រយោជន៍យកម្លប់ ក៏ដូចជាទប់កុំឲ្យដីដាក់ខូចផ្លូវដែរ។ ខ្មែរដែលត្រូវចាត់អោយដាំដើមចាន់គិរីនោះ ត្រូវធ្វើស្មៅ ស្រោចទឹក ថែរទាំមិនហ៊ានធ្វេសទេ ព្រោះអាចទទួលការពិន័យពីបារាំង។
ដោយស្លឹកមានសណ្ឋានប្រដូចនឹងស្លឹកអំពិលដែរ ក៏ញ៉ាំងឲ្យពួកគាត់ហៅថា អំពិលបារាំង តកូនតចៅអញ្ចឹងមក។
No comments:
Post a Comment